Duela bi aste, ibaizabal-etik, Bilbotik Santurtzira itsasontzian bidaia egiteko aukera izan nuen. Ez zen edonolako bidaia izan, Harribola portugaleteko kultur elkarte batek antolatutako bidaia zen.
Itsasadarra zeharkatzen gindoazen bitartean Iñaki Uriarte arkitektoak, bi aldeetako ondarearen historia eta ezaugarriak azaldu zizkigun.
Interesgarria iruditu zitzaidan batez ere, topografiaren ondoriozko ezkerraldea eta eskumaldearen ezberdintasunak. Beti lotu izan ditugu klase sozialen diferentzia hutsari alde baten eta bestean zeuden eraikin motak.
Harrigarria iruditu zitzaidan ere, berak esan zuen moduan, agintariek herriaren onespenarekin "Sefanitro" bezalako fabrika guztiz botatzea, kutsakorra dela argudiatuta. Eta orain hor espekulatzaileen esku etxebizitzak egiteko? Ez al zen hobea auzoarentzat horrelako ondare historikoa mantendu eta beste erabilpen bat ematea? Tamalgarria benetan.
Eta zertarako aldatu dituzte berezkoak ziren, eta jada historikoak ere esan dezakegu (ez donostiakoak bezain historikoak), hesiak, zuriak, burdinezkoak, bai, batzutan oxidatuak ere egondako hoiek. Ba dirudi orain aluminioa hobea dela ondarea mantentzea baino.Hau aipatuta ez dut, Isozakiren dorreez, Pelli-ren Iberdrolako dorreaz, Zubiarte Zentro Komertzilaz, San Mames berriaz... hitz egingo. Zenbat hobeto zegoen itsaadarraren bidaiaren faro gisa arkua.
0 comentarios:
Publicar un comentario